October 6, 2023; MVI leh Traffic Police ten nimin atanga lirthei khalhtu dan bawhchhia an endikna ah insurance fello an tam ber.

Nimin khan Zodin Square-a Transport Directorate kawtah lirthei endik a ni a, dan bawhchhia an man zinga 47 chu a hmunah pawisa chawi tir nghal an ni a, lirthei lehkha pawimawh hren sak mi 20 awmin, dan bawhchhiate sum chawi Rs. 1,70,000 a tling.

Dan bawhchhia an man zingah insurance thi a tam ber a, lirthei 30 an man a, hei bakah hian dan bawhchhe tenau 28, pollution thi 19, driving licence nei lo va lirthei khalh 9 leh permit thi 2 an man.

MVI leh Traffic Police-in lirthei endik runpui an neih avangin hian Aizawl khawpui chhunga lirthei khu endikna hmun hrang hrangte chu a lun hlawm hle bawk.

Lirthei endik hna hi ruahman dan chuan thla 6 chhung kalpui a ni dawn a, thuneitute chuan harsatna an tawh loh nan lirthei neitute inchingfel turin an ngen.