Aizawl: Traffic Management Coordination Committee-in ruahmanna a lo siam angin October, 2017 atang hian Aizawl khawpuia mi mal leh sawrkar motor-te chu an intlanchhawk tan dawn a, intlanchhawk hian Pathianni a huam loh avangin naktuk atangin tan a ni ang. Traffic Management Coordination Committee-in ruahmanna a siam dan chuan intlanchhawk hi October thla chhung hian enchhin a ni dawn a, a tha nia an hriat chuan chhunzawm a ni ang. Intlanchhawk hian mi mal leh sawrkar lirtheite a huam vek dawn a, Pathianni tiam lovin zing dar 8:30 atanga tlai dar 6 inkarah chuan lirthei registration an tihnaa number tawp ber chu an tlanchhuah khap a ni. He khapna hian state pawn leh district dang lirthei, Aizawl rawn tlanlut pawh a huam dawn a, mipui phur lirthei city bus, sumo te erawh a huam lo vang a. Taxi te pawh tuna intlanchhawk dan pangngaiin an tlan chhunzawm ang.