October 6, 2022; Tun dinhmun ah Mizoram pum a lirthei awmzat chu 3,12,952 a tling a, chung zinga lirthei nuai 2 bawr vel chu Aizawl khawpui chhung a awm a ni. Hetihlai hian Aizawl ah lirthei intlanchhawk tihtawp duhna a lian hle tawh nia hriat a ni.

Transport department chhinchhiah danin, tun dinhmunah Aizawl district a lirthei awm zawng zawng chu 2,17,389 a ni a, chu chu Mizoram a lirthei awm zawng zawng atangin za a 69.04 a tling. Hetihlai hian Aizawl khawpui chhung a lirthei awmzat chu nuai 2 bawr vel a tling tura ngaih a ni.

ZALEN in mi hrang hrang ngaihdan a zawhkual leh an ngaihdan a lakna atanga a lan danin, Aizawl a lirthei intlanchhawkin traffic jam chungchangah awmzia a nei thui lutuk tawh lo ah an ngai a, intlanchhawk chu lirthei tipung zualtu ni ah an ngai. Traffic police duty thenkhatte pawhin lirthei intlanchhawk in traffic jam ah nghawng a nei tam lutuk tawh lo ni ah an ngai tih an sawi.

Sumdawnna lirthei ni lo, lirthei dang intlanchhawk hi kum 2017 atanga kalpui tan niin, remchan zawkna angin intlanchhawk dan phung tihdanglam thin a ni a, tun dinhmunah chuan Thawhtanni - Zirtawpni (sawrkar chawlh tello in) thleng intlanchhawk kalpui a ni

• Lirthei awmzat : Mizoram
• District    lirthei
  Aizawl        2,17,389
  Lunglei        27,424
  Siaha             8,391
  Champhai   16,727
  Kolasib        18,125
  Serchhip      10,928
  Lawngtlai      8,050
  Mamit           5,918
  TOTAL           3,12,952