ZALEN Oct. 15, 2024; Lirthei document endik runpui kalpui la ni lo mah se, tun atangin lirthei khu endikna hmun a lun chho tan viau tawh.

ZALEN thudawn danin, lirthei khu endikna hmun hrang hrangah two wheeler leh 4 wheeler intlar an awm chho tan a, hei hi lirthei document endik runpui neih hun atana lo inhmakhuana a ni pakhat a ngaih a ni.

Lirthei khu endikna certificate hi kum 1 chhung a dam tawh a, two wheeler ah Rs. 60 lak niin, motor dinhmun a zir zelin, endikna man hi bithliah a ni.

Kumin kum bul lam khan, Aizawl Smart City Limited (ASCL) hmalakna hnuaiah motor khu endikna lirthei ‘Mobile Pollution Testing Vehicles’ panga (5) lei thar a ni a, hei hi Smart Cities Mission hnuaia hmalakna niin motor khu endikna lirthei panga man hi nuai 55 a ni a, a enkawl zui hna leh a hman dan tur duan fel hi MPCB kutah a awm a ni. Heng pollution testna lirthei te hi Aizawl khawpuiin a mamawh em em a ni a, pollution testing ti tura harsatna leh hun tam tak sen ngai thin chu a chhawk zangkhai beisei a ni.