ZALEN July 31, 2024; Danin a phut angin, mi tupawhin midang lirthei a lei chhawng a nih chuan ni 14 chhungin a neitu thar hmingin a thlak ngei ngei tur a ni.

Transport department (Motor Vehicle Wing) chuan tunhnai khan lirthei neitute/leitute tan hriattirna a chhuah a, chuta tarlan a nih dan chuan, state pawnlam a lirthei leitute pawhin ni 45 chhungin hming thlak ngei ngei tur a ni.

A neitu hming thlak loh chuan a neitu nihna bo si lovin neitu mawhphurhna a keng tel zel a. Chu lirthei chu a kual a kual a, mi tuin emaw thil sual tih nan te a lo hmang a, mi pawi te a lo tawk palh thei a, an koh hmasak ber tur chu a neitu/registration certificate-a hming tumtu a ni zel thin. Chuvangin, heng buainate hi kan pumpelh theih nan lirthei kan hralh a nih chuan hming t hlak dil ngei ngei tur a ni.

Section 47 of The Motor Vehicles Act, 1998 chuan lirthei, state pakhata register tawh chu state dangah thla 12 aia rei a cham (hnathawhna avang emaw, thil dang chhan tha tak vang emaw) dawn a nih chuan a awm mekna state-a a awm tan ni atanga chhiara thla 12 ral hma ngeiin a lirthei neitu chuan a awm mekna state registering authority-ah a awmzia chiang taka tarlangin temporary registration a dil tur a ni.