Aizawl: Coordination Committee on Traffic Management ten Aizawl khawpui kawngsira garage nei lo lirthei an vaina ah dan bawhchhia 189 an man tawh. Traffic hotute hnen atanga Zalen thudawn danin garage nei lo endik hna hi tum 2 an nei tawh nia sawiin remchan dan angin neih chhunzawm zel an tum tih an sawi a. Dah bawhchhiate chu an case a zirin Rs. 500/- thleng an chawitir tih an sawi a, remchan dan ang zelin an endik chhunzawm zel dawn niin an sawi bawk. Traffic Police te hian naktuk Thawhtanni atang hian no tolerance drive an nei leh dawn tih an sawi a. Hmun remchang laiah inkhuarin driving license, document, insurance, garage an neih leh neih loh bakah thil pawimawh dangte an endik thin dawn tih an sawi a. No tolerance drive an neih hun chhung tur chu a la sawi theih loh nia sawiin hmun remchang laiah inkhuarin lirthei kal vel chu an endik zel dawn niin Zalen an hrilh.