Aizawl: Aizawl City Traffic hotute atanga thudawn danin July 8, 2018 atanga tun thlenga lirthei ri ring man tawh chu 33 a ni a, a vaiin two wheeler vek a ni. Traffic hotute chuan bike ri chu a tehnaah 80 dB aia sang a ni lo tur niin an sawi a. Petrol car-ah 82 dB, Light Commercial Vehicle-ah 85 dB, lirthei phur rih zawng kg 4000 - 12000 ah 89 dB (dB - ri tehna decibel lamtawi) tur a nih thu an sawi bawk. Lirthei ri ring mante a original silencer vuahtir leh vek an nih bakah Rs. 1000 chauh chawitir an nih thu an sawi bawk. Police department hnuaia thawkte an lirthei ri tiring an awm thei tih sawiin traffic hotute chuan district tin SP te leh battalion tin Commandant te chu an naute lirthei ri tiring an awm chuan ti tawh lo tur leh tumah vuah lo tura ngenna an pe kual vek tawh tih an sawi bawk.