ZALEN, Sept. 19, 2024: Mizoram chak lak luhna, Tuitun leh Khamrang inkara lirthei tangkhang mek khalhtute zingah tun dinhmunah damlo leh damdawi pek ngai an la awm rih lo.

Thawhtanni khan Senior CMO, Kolasib District hmalaknain lirthei tangkhang mek khalhtute zun leh ek thiarna hmun enfiahin an hriselna dinhmun an endik nghal a, an zingah damlo enkawl ngai leh damdawi pek ngai an hmu lo.

Sawrkara thawkte hian lirthei khalhtute mamawh tur thosilen an sem nghal a, an inthiar dante zawtin natna inkai darh thei lakah harsatna a thlen loh nan lei lai khuara chilh tha leh zel turin an ti a. Hriselna kawngah zirtirna an pek bakah an hmunhmate thosi hlovin an kahsak nghal bawk.

Lirthei khalhtute dinhmun ennaah hian Kolasib CMO Office bultumin health worker pathum leh health supervisor pahnih an kal.

Thawhtanni vek khan Mizorama petrol pump neitu insuihkhawm pawl, AMPEDA hmalaknain member-ten tuialhthei phur lirthei khalhtute ei tur an sem bawk.