Aizawl: Mizoram State Sorkar thuchhuakin thuneihna a pek angin Senior Superintendent of Police, Traffic, Aizawl chuan lirthei tlan dan turah thupek a chhuah.

PWD, Aizawl Road North Sub-Division-I ten Pathianni hian Tuma Glass House atanga St. Mary’s Church inkar kawng siam that hna an thawh dawn avangin hnathawh chhungin helai kawng hi khar a ni dawn tih mipuite a hrittir.

Hnathawh tibuai thei turin hnathawhna huam chhung kawngpuiah lirthei leh bungrua dah phal a ni lo va. Thupek hian chhiatrupna thil, kangmei leh emergency kaihhnawiha duty, dan leh thupek pawimawh bika police leh magistrate duty chetvelna a huam lo.

Traffic SP hian R. Zathanga, Tuikhuahtlang in sakna tur lei a laih avanga kopang min chu District Disaster Management Authority-in enfiaha rawtna an siam angin CYMA Office leh Sikulpuikawn inkar ah two wheeler chauh tlan phal a ni tih hriattirna a chhuah bawk.