Rock and roll legend Elvis Presley fanu thih chhan chu a thih atanga thla ruk liam hnuah puan zar a ni ta. Kum 54 mi Lisa Marie Presley thih chhan hi a kaw chhung zai vang a nih thu doctor chuan tun hnai khan a puang. 

Lisa Marie Presley hi California Hospital-ah admit niin January 12, 2023 khan a boral a ni. A thih chhan hi chiang taka tarlan a awm lo a, a chhan dik tak hi hriat tumin an bei ngawrh hle. Tun hnai khan Los Angeles County medical examiner huan a thih chhan hi an puang a, a kaw chhung zai avanga nunna chan a nih thu an sawi. 

Lisa Marie Presley hian zaipui a tawk a, chu chuan a nunah nghawng a nei nasa hle. A thih hma ni hnihah khan Golden Globes-ah a inlan a, hei hi vantlang hmaa a inlan hnuhnung ber a ni zui ta a ni. A thih chhan hi a tirah chuan cardiac arrest nia tarlan a ni a, mahse tun hnai khan amah enkawltute chuan an rawn puang chiang ta a ni. 

Lisa Marie Presley hi zaithiam chuai tawh ngai lo tur Elvis Presley leh Priscilla Beaulieu Presley te inkara piang niin, an fanu neih chhun a ni nghe nghe.