BLACKPINK star Lisa chuan music video thar a tichhuak hnai a nih hmel a, social media lamah 'coming soon' tiin a tarlang tlat mai. Hei hian fan te a chawk phur a, ngaithla chak an tam tih hai rual a ni lo. 

Kum 27 mi Lisa hian RCA Records a thawhpui me a, TikTok a khawih thar bawk. TikTok lamah hian a music video thar tura music thenkhat chu a fan te a tem tir zauh zauh a nih hmel a, RCA Records te a thawhpui avangin a lawm hle bawk. RCA Records CEO Peter Edge leh COO John Fleckenstein te pawhin Lisa an thawhpui theih avang hian lawmthu an sawi bawk. 

Thai nula Lisa hian kumin chhungin solo album a tihchhuah tur thu a lo sawi tawh bawk a, 2021 khan single album 'Lalisa' a lo tichhuak tawh bawk a ni. Kum tir khan ama pualin YouTube chanel 'LLOUD Official' a siam thar a, video a tichhuahah kumin chhunga album a tihchhhuah tur thu a sawi lang bawk a ni.