DOWNLOAD OUR APP

Read latest news on your phone
app-store

Liverpool-in Arsenal an ngam; Brighton laka chungnung Spurs

Mar 17, 2022

Match kua zet chak zawn tawh Liverpool chuan nizan khan Arsenal 2-0 a hnehin Premier League hmahruaitu Manchester City aiin point khat chiahin an hniam tawh a, Premier League title inchuhna boruak a vaw nung mai bakahah champion tur a chiang ta lo. United aia game khata la khel tlem zawk Tottenham pawhin si hnih faia Brighton hnehin hma an sawn ve bek bek a. An game khelh leh turah an chak chuan Man United chungah awmin Arsenal nen point 51 ve ve hmuin pali naah an awm ang. Champion tur a chiang lo ang bawkin nakum Champions League khel thei tur pawh a chiang thei rih lo.

Match kua zet chak zawn tawh Liverpool chuan nizan khan Arsenal 2-0 a hnehin Premier League hmahruaitu Manchester City aiin point khat chiahin an hniam tawh a, Premier League title inchuhna boruak a vaw nung mai bakahah champion tur a chiang ta lo. United aia game khata la khel tlem zawk Tottenham pawhin si hnih faia Brighton hnehin hma an sawn ve bek bek a. An game khelh leh turah an chak chuan Man United chungah awmin Arsenal nen point 51 ve ve hmuin pali naah an awm ang. Champion tur a chiang lo ang bawkin nakum Champions League khel thei tur pawh a chiang thei rih lo. 

Point khat chiaha sang zawk City hian April thla khian Etihad Stadium-ah Liverpool an mikhual dawn a, he inkhel hi tun season Premier League final ang hiala ngaih theih a ni ang. 

January ni 16 khan Liverpool hian an mualah Brentford 3-0 in an hneh a, chutih lai chuan point 8 zetin City lakah an la hnufual a ni. Liverpool boss Klopp chuan,"Kan kiangah in awm ve chuan khawihnmunah pawh nuam ti takin kan kal ho thei ang a, tin kan theih anga sang leh thuia kal kan duh a ni," tiin fans te a fuih phur a, a sawi ang ngeiin tun hnaiah a hovin an kal tluang hle a, City lam marphu an tih ran phah ngeiin a rinawm. 

Carabao Cup chawi zo hlim Liverpool hi hian hmabak hlen tur an ngah chho dawn hle a, Zirtawpni zana Champions League quarter-final draw neih tur an nghak mek a, Pathianni zan hian FA Cup quarter-final-ah Championship Nottingham Forest an hmachhawn dawn bakah Premire League lamah title race an neih mek bawk avangin an chawl hahdam hman meuh dawn lo a ni. 

Emirates Stadium-a inkhelhah hian first half-ah goal a lut lo va, Virgil van Dijk leh Sadio Mane ten chance tha hlohin goal an khung lo. Inkhelh thawh hnihna tan a ni a, minute 55 naah Diogo Jota chuan Thiago siam sak hmangin goal hmahruai a thun. Minute 10 pawh a ral leh hmain Roberto Firmino chuan hnai set sawt atangin an goal hnihna a thun leh a, goal dang a luh belh lo. 

League game khelh leh turah hian Liverpool hian table lamah City hi lehpelh theihna hun tha an nei dawn. Inrinni hian an mualah tal buai mek Watford an mikhual dawn a, Burnley lamah City ho an zin chhuak thung ang. 

Tottenham manager Antonio Conte chuan Harry Kane hian eng chawimawina emaw hlawhchhuah ve hi chu a phu a ni tiin Brighton laka goal a thun hnuah a striker rinrawl hi a fak. Kane hian tun hnaiah goal a thun thei hle a, tunhnai game ruk khelhah goal sarih a thun tling der tawh. England forward hian competition hrang hrangah away goal a thun belh zel a, Premier League bika away goal thun tam pangana niin Frank Lampard-a chungah a awm mek a ni. A pu Conte chuan, "Game hrang hrangah goal thun turin chance a insiam zel thei a ka lawm tak zet a ni a ti"

He inkhelhah hian Spurs tan Criatian Romero hmangin minute 37 naah goal hmahruai an thun a, minute 57-ah an goal hnihna Harry Kane-a'n a thun ve leh bawk. 

Share now