March 15, 2023; Chief minister Zoramthanga'n sawrkar laipuiin loan lak phal/theih chin a nei tih sawiin, chumi bak chu engtikawng mahin loan lak theih a nih loh thu leh pawikhawih tur ang mai a insawi chiam zel mai chu mipui bumna a nih thu a sawi. 

Vawiin Mizoram Journalist Association in Mizoram budget zirhona Aijal club conference hall a an buatsaih khuallian nia a hmanpuina ah he thu hi sawiin, finance minister ni bawk Zoramthanga chuan, "Loan chu sawrkar laipuiin lak phal chin min pe vek," tiin, "Rul leh theih si loh a kan lak tam lutuk chuan a tawpah state hi lo mualpho ta i la, pa ber chan chang sawrkar laipui chu a mualpho tur ber a ni zel a ni. Chumi vang chuan NABARD, OMB leh a dangah te min phalsak chin a awm vek," a ti.

Externally Aided Project (EAP) loan a awm tih tarlang bawkin, chief minister chuan, health care tur Asian Development bank ah Rs. Vbc. 1000 an dil tih a sawi. "Tun hma chuan 90:10 in loan kan la a, tunah chuan a loan a zirin 90:28 a ni dawn a. Chu pawh chu 28% in ta lo hmang ve rawh u, an ti a, Rs. Vbc 720 sawrkar laipuiin an rul dawn. Vbc. 280 chu Mizoram sawrkar thawh ve tur a ni," a ti bawk. 

Leiba chungchang pawh sawiin, Mizoram in tun dinhmun ah Rs. Vbc. 12,000 vel ba kan nei niin a sawi a, India ram state zinga ba tlem ber chu Sikkim an nih thu leh Mizoram aiin Vbc. 9 in leiba an neih tlem niin a sawi.