Aizawl April 5, 2023 : Aizawl Municipal Corporation huam chhunga Durtlang Leitan leh ITI Veng Local Council member pakhat ve ve-te hmun a ruak avang leh Zemabawk Local Council chu dissolved a nih hnuah April 19, 2023 khian inthlan buatsaih a ni dawn.

Local Council member hmunruak hnawhkhat tur hian mawhphurhna a pek angin State Election Commission, Mizoram chuan ni 19th April, 2023 (Nilaini) khian inthlan a buatsaih dawn a ni. Local Council 3 By-election neih tur chungchangah Aizawl DC Dr. Lalhriatzuali Ralte, District Municipal Election Officer (DMEO), Aizawl District ni bawk chuan inthlan kaihhnawih tur sawrkar officials bakah political party leh NGO aiawhte kohkhawmin vawiin khan Aizawl SP’s Conference Hall-ah meeting a neihpui a ni.