New Zealand film director lar Peter Jackson-a kutchhuak 'Lord of the Rings' chu en tur a awm leh dawn a, Warner Bros. studio lamah a siam hna an thawk dawn. He fantasy adventure film hi mi tam tak ngainat a ni a, a chhunzawmna siam a ni leh pawh hian ngaihven a hlawh hle. 

Discovery CEO David Zaslav chuan Lord Of The Rings siam chhunzawm a nih tur thu hi Ningani khan a puang a, Swedish gaming company Embracer Group ten an produced dawn tih a sawi. Lord of the Rings hmasa ber 'Lord of the Rings: The Fellowship of the Ring' chu 2001 khan tihchhuah a ni. 

Warner Bros. Pictures hian Lord of the Rings siam hna an kalpui tur thu an puang a, New Line nen an thawhdun dawn a nih hmel hle. Hetih lai hian LOTR project atan hian ruahman kalpui mek a ni a, chutih rual chuan director leh a changtu tur lam tih fel a la ni lo. 

Lord of the Rings hi J.R.R. Tolkien-a lehkhabu ziah 'The Lord of the Rings' behchhana siam a ni a, film siam nana an sum sen tawh hi $mtd 281 a ni a, a sum lakluh tawh belh khawm pawh $tld 2.991 zet a tling tawh a ni. Film lama chawimawina ngaihhlut Academy Award pawh 17  zet a hlawh chhuak tawh a ni.