ZALEN January 14, 2025 : Food, Civil Supplies & Consumer Affairs (FCS&CA) Department chuan thuchhuah an siamah Gas sem danah tun thlenga order zawm tha duh lo distributor an awm thu an tarlang a, zawm ngei tur a nih thu leh zawm tha duh lo chu an chungah dan anga action lak a nih tur thu an tarlang.

FCS&CA chuan Office atanga Order chhuah thin tawh ang leh Dt. O9.12.2025-a Hon’ble Minister, FCS&CA hova meeting thuchhuak angin LPG Distributor-ten LPG filled cylinder an dawn apiang a rih zawng (weightment) check vekin a buk dik chauh an godown-ah an dah ang a, an godown atang chauhin mipuiah an semchhuak leh tur a ni. 

Pekchhuah/semchhuah leh dawnin Marketing Discipline Guidelines clause 1.4 (d & f)-in a phut angin “gas bur tak awm buk dik tak chauh an phurchhuakin bukna dik thlap (correct weighing equipment) an keng tel ang a, customer hmuh lai ngeiin a dik leh dik loh an buk leh tur a ni” tih hi an zawm ngei tur a ni.

He order hi tun thlenga la zawm tha duh Io Distributor an la awm tih hriat a nih avangin he thuchhuah atang chuan an zawm ngei ngei tur a ni a, zawm tha duh Io an la awm a nih chuan an chungah dan anga action lak a ni ang.