Aizawl October 4, 2024 : IOCL in revised Retail Selling Price a tihchhuah angin, Mizoram chhungah LPG 14.2 KG (Domestic) leh LPG 19 KG (Commercial) rate chu bithliah thar a ni a, October 1, 2024 atanga khan hman tan tura tih kha a ni a, FCS&CA chuan vawiin khan thuchhuah a siam.

Domestic gas hi a man tlemin a tlahniam a, Vairengte-ah cheng 946.00 niin Mizoram hmun dangah chuan Cheng 955.00 a ni ang. Aizawl Municipal Area leh District Hqrs. ah te 'home delivery' kalpui tawh tur a nih avangin Rs.70.00 aia tam lo belh zel tur a ni a, Godown-a hralh erawh chuan Rs.33.43 zel paih thung tur a ni. Tin, Home Delivery a kalpui thei nganglo veng, point delivery kalpuinaah chuan Rs.7.53 belh zel tur a ni.

Office Order No. 1.21011 /l(A)/2008/DTE(SPY) dt. 25.11.2014 hmanga LPG Distributor tin te chawm tur khua leh an hlat zawng tarlante, Order No.1.21011/1(C)/2010/DTE(SPY) Vol. II dt. 21.1.2015 hmanga KM zat leh pawisa chawi belh ngai zat tarlante hmangin a chunga rate tarlan atanga chhutchhuakin LPG Distributor ten an huamchhung khuaah theuh LPG hi an sem thin tur a ni.