LPS CUP: Round of 16 atangin inkhel 17 live-in pe chhuak dawn
![](https://zalen.s3.ap-south-1.amazonaws.com/images/news/1707817741_e3199ae1-3180-4da6-a80f-3238fed33e43.jpeg)
Round of 16 atanga final thlengin LPS Cup Inter Village Football Tournament-ah inkhel vawi 17 a awm dawn a, LPS Vision chuan live-in a pe chhuak vek ang.
Thawhlehnia LPS Vision Director Lalsawmliana Pachuau office, Zarkawtah LPS leh Aizawl District Football Association-in ruahmanna an siam fel a, round of 16 atangin zanah vawi 11 leh tlai tum ruk inkhel a awm dawn a ni.
Round of 16-ah inkhel pariat awmin tlai dar 4 leh zan dar 8-ah pali ve ve, quarterfinal-ah inkhel pali awmin tlai dar 4 leh zan dar 8-ah tum hnih ve ve khelh a ni ang.
Double leg-in semifinal khelh a ni dawn a, zan dar 8-ah vek inkhel vawi li awmin zanah final a ni dawn bawk. A thiam 16 inelna atangin player of the match thlan a ni dawn a, inkhel tum 17 awmin mipui tam zawkin an en theih nan tlaiah vawi ruk awmin a bak zawng zanah vek a ni dawn.
Round of 32 thleng khaw en laia khelh tur a ni ve thung dawn a. February 20 atangin 1st MAP Ground, Armed Veng leh MFA Ground, Sairang Dintharah khel tanin, LPS chuan round of 16 hma zawng, inkhel a awm ni apiangin report a siam ang a, zanah a tichhuak thin dawn a ni.
Inter Village Football-ah hian team 62 inziak lutin Aizawl chhung 41 bakah district dang atanga sawm bik pali nen Aizawl pawn atangin 21-in trophy an chuh dawn a; champion tawh team pali - Ramhlun South, Armed Veng, Bethlehem Vengthlang leh Chhinga Veng an tel kim vek.
Zirtawpni zan khian Chanmari YMA Hall, Aizawlah Mizoram Youth Commission Chairman Malsawmzuala Ralte chuan tournament a pet hawng dawn a ni.
Latest News & Chhiar Hlawh
-
2m | Jul 26, 2024
-
1m | Jul 26, 2024
-
2m | Jul 26, 2024
-
1m | Jul 26, 2024
-
1m | Jul 26, 2024
-
1m | Jul 26, 2024
-
2m | Jul 26, 2024
-
1m | Jul 26, 2024
-
1m | Jul 26, 2024
-
1m | Jul 26, 2024
-
1m | Jul 25, 2024
-
1m | Jul 25, 2024
-
2m | Jul 25, 2024
-
1m | Jul 25, 2024
-
1m | Jul 25, 2024
-
1m | Jul 25, 2024
-
2m | Jul 25, 2024
-
1m | Jul 25, 2024
-
1m | Jul 25, 2024
-
1m | Jul 25, 2024