Management team leh Zothan Autoworks chuan thuthlung an lo neih sa tawh angin LPS Pro Fight 2023 title sponsor ni turin inremna an siam fel a, Mizo boxer-te tan thawh ho zel tha an ti.

October 2 khian LPS Arena, Falkland Veng, Aizawlah Pro Fight vawi 10-na tan a ni dawn a, championship hnuhnung vawi ngaah a tum li nan Zothan Autoworks-in title sponsor an chang dawn.

Mizorama Tata Motors commercial vehicle dealer Zothantluanga chuan, “Mizo thalaite tan thil tha leh mipui hlut a ni a, kawng hrang hrangin Pro Fight-a tel theih hi a hlawk hle a ni,” a ti a, nikum khan Title Fight-ah Pro Fight an sponsor zui dawn tih a puang tawh a ni.

Kumin March 10 leh 11 khan Dawrpui Multipurpose Centre, Aizawlah Mizo boxer-ten professional inhnek tam zawk an neih theih nan LPS Fight Night 3 huaihawt a ni a, hetah hian Zothan Autoworks nen thawn dun chhunzawmin kumin Pro Fight title sponsor ni turin thuthlung an siam tel.

2016 khan a vawi khat nan Zothan Autoworks leh Management team an thawk dun a. 2017-ah Gionee an tla zep tih loh 2019, 2022 leh kuminah inremna siam zui lehin title sponsor an ni zawn vawi thumna a ni nghal dawn a, Mizo boxer-ten hma an sawn zel theih nan thawh dun zel tha an ti.

August 15 atangin LPS Office, Zarkawtah Pro Fight-a tel tum tam form lak pakhat Rs. 10 zelin a lak chhuah theih dawn a, September 20 thleng theh luh theih a ni ang.

Mizoram chhung leh pawn atangin kum 17 chin chung lam a duh apiang tan weight hrang panga - fly kg 48-52, bantam kg 52-56, light kg 56-61, welter kg 61-67 leh middle kg 67-74-ah tel theih a ni a, weight tina champion hnenah kawnghren thar hlan a ni ang.