ZALEN June 27, 2026 : LPS Vision Production chuan nizan khan Mizoram Engineering Service tling tharte hnenah lawmpuina a hlan.

MES tling tharte lawmpuina inkhawm hi Zarkawt Community Hall, Aizawl ah neih a ni a, LPS neitute zinga mi Upa Lalrochuanga Pachuau in hunserh a hmang a, Upa Lalnunpuia Hrahsel chuan fuihna thuchah sawi a ni.

Lalnunpuia chuan MES tling tharte chu hun bi vawng dik mi, a mamawhtu tana hun bi nei lo va thawk thei, In zir peih mi, thiamna chhuang si lo mi ni tura fuihin, eirukna leh hlemhletna thil tih theihna tur a awm phawt chuan fing leh huaisen taka Aih ti ngam tu ni turin a chah a; kohkir leh ngam, dinhmun sang pek nawn chakawm, ngaituahna tak tak senga ram hmangaihna nitin hna thawk mi ni ve turin a chah.

Inkhawmah hian Department of Fisheries leh Irrigation & Water Resources Department Secretary Er Lalrothanga, MES leh Mizoram Engineering Service Association President Er. Lalrinzuala Ralte, MES ten thu an sawi a, MES tling thar aiawhin Er. Zoremsanga, MES in thu a sawi bakah zirlai ti tha zualte kawmna hun hman tel a ni bawk.

MPSC-in MES (Combined) Examination 2025 a buatsaih result chu kumin May thla khan tih chhuah a ni a, MES atan mi 38 lak thar an ni a. Public Works Department-a thawk tur mi 16, Power & Electricity Department-a thawk tur mi 15 leh Public Health Engineering Department-a thawk tur mi 7 te an ni.