ZALEN May 18, 2026 : Ministry of tribal affairs atanga fund an hmuh hmangin, MYC-in mizo thalai te pualin a thlawna mipa lu meh thla khat leh a chanve chhung MT Cutz-a training leh hmeichhe sam tan zir, thla thum chhung Nuseni Parlor-a training zo mi 27-te hnenah vawiin khan certificate leh hmarua hlanna hun an hmang..

Training chhuakte hian anmahnia hna an thawh tan nghal theihna turin an hmanraw mamawh Bakcheh (Scissors) pangai leh Thinny Scissors, Dam tih rona (Hair Dryer), Sam pawh ngilna (Straightener), Cope Apron, Roller, Section Clip, Colour Bowl, Colour Brush, Proft Comb leh Tail Comp te an pe/hand hold vek bawk a ni.

MYC Chairman Malsawmzuala Ralte chuan fuihna thusawiin, thiamna leh theihna inang rau rauvah dawrtu che u lungawina thlen thiam apiangin pan in hlawh zel ang a, hma in sawn chak thei ang. Engkimah Pathian tanpuina dil fo a, a malsawm tlaka thawhrim hi a pawimawh ber, tih a sawi.

Lalramdini, US, MYC chuan hmanrua leh certificate inhlanna hun hi kaihruai a, V. Lalmuanpuii, Secretary, MYC in thu a sawi bawk a. Trainer leh training chhuakte atangin thutawi ngaihthlak a ni bawk.