Lunglei: K.Lalthanchami (36) d/o K.Thanzama, Lunglei Lunglawn veng chu Zirtawp zan khan a lumhlum niin an sawi a, thu zawhfiah atan a pasal chu Police ten an kawl." Lunglei atanga thudawn danin K.Lalthanchami leh a pasal Raymond-a te hi Hauruang bul lawka mi thlamah an riak a, zan dar 9:30 velah a pasal hi Hauruangah hian kal chhovin a nupui chu thlam namthlak atanga tlain a lum niin a sawi a. Hauruang atanga thil awm dan ngaihvena zuk kalten thlam an thlen hian Chami hi fel taka puan sintirin thlamah hian a lo mu niin an sawi. K.Lalthanchami ruang an enfiahnaah hian a hliam a nasat deuh avangin thlam atanga lum niin an ring lo deuh a, Lunglei Police te chuan a pasal hi thu zawhfiah atan an kawl mek. Chami ruang hi nimin khan post mortem a niin vui nghal a ni.