October 1, 2023; Mizoram sawrkar hnuaia thawk, Mizoram Movement for Old Pension Scheme (MIMOPS) te chuan 'Old Pension Scheme' ngiatin lungawilohna an lantir dawn.

MIMOPS in an member te hnena hriattirna an tihchhuah a tarlan a nih danin, Mizoram sawrkar hnuaia hnathawk New Pension Scheme hnuaia awmte chuan Old Pension Scheme an hman ve theih nan theihtawp chhuahin hma an la a.

He an hmalakna hian awmzia a neih tak loh avangin, Old Pension Scheme ngiatna peaceful rally nei turin Mizoram sawrkar hnuaia New Pension Scheme subscriber zawng zawng te chu CM bunglow thlang, Mizoram State Museum kawtah, October ni 4, 2023 hian an pungkhawm dawn a ni.

He hunah hian NPS subscriber, OPS duh zawng zawng chu chhuanlam siam lo leh thiante ring mai lova pen chhuak turin an inngen.