ZALEN September 3, 2025: Vawiin khan MJA Dist.Hqtrs., Lunglei chuan Lunglei Press Club ah Executive Extended Meeting an nei a, Chhimbial Chhantu in Lunglei-a State University din a nih theih nana pa chan chang a theihtawp chhuah a hma la tur leh a hnarkaitu ni tur a an ngenna an ngaihtuah.

MJA Lunglei President H. Lalthansanga President chuan meeting kaihruaiin Chhimbial chhantute thu thlen chu member ten sawiin Lunglei leh chhim lam tan he State University hi an mamawh leh nakin hun a, an tu leh fa te tan pawh thil tangkai tak anih thu te an sawi a, Sawrkar lakah chuan pangchang taka ngen chu an chanvo a ni a, theihtawp chhuah a tangrual a ngen nise tiin lungrual takin hemi chungchangah hian hma la turin thu an ti tlu ta a ni.

MJA Lunglei te hian sawrkar lak a thil ngen leh ngiat chu pressure siam vak hi chu an tih tur a ni lo chungin Motto-ah 'Service to the People' tih nei an nih avangin tun tumah pawh Lunglei leh chhimbial tan thil pawimawh tak ni a an hriat avangin hmalak a ngai ta tih an sawi a ni.