ZALEN July 2, 2024; Naktuk July ni 2, Thawhlehni hian a vawikhatna atan Lunglei ah Council of Ministers thutkhawm neih a ni dawn.

Hriat theih chinah Council of Ministers thutkhawm/Cabinet meeting hi Aizawl tih loh Mizoram hmun dangah neih a la ni ngai lo a, tun hi a vawikhatna tur a ni.

ZALEN thudawn danin, ZPM party inthlan manifesto ah district dang a Council of Ministers thutkhawm neih thin a tel a, chumi ang chuan an tihlawhtling dawn a ni.

Naktuk programme a tel tur hian official thenkhatte leh CM/Minister ten vawiin ah Lunglei an pan a, naktuk chawhma dar 10:30 atangin Council of Ministers thutkhawm hi neih a ni ang.