Aizawl July 12, 2023 - Lunglei District Level Committee On Fixation Of Price Of Meat, Vegetables & Fruits te chu an Chairman Lunglei DC Ramdinliani kaihhruaiin an thukhawm a, Lunglei District-a thlai thar, thei leh sa man bithliah a nih theih dan tur an sawiho.

Meeting-ah hian Lunglei District-a thlai thar, thei, leh sa man te mumal zawka rate fix anih theihna turin member-ten an sawihova. The Mizoram Market Regulation and Facilitation Act, 2022 zirho niin Agriculture, AH&Vety, Fisheries leh Horticulture Department-te chu an Department huamchhunga thar chhuah rate te lo zirchianga, kar hnih chhunga report thehlut tura hriattir an ni bawk.

Meeting-ah hian sawrkar official member-te, Lunglei District VC Association, Lunglei District Consumer Association, MJA, Southern Market Association, Lunglei District Merchant association, Lunglei District Butcher Association te an tel a ni.