DOWNLOAD OUR APP

Read latest news on your phone
app-store
Lunglei-in hmun dang atanga ar chaw lalut loin mahni intodelh tum
Nov 17, 2019

Aizawl: Lunglei High Powered Committee (HPC) hmalaknain vaimim chin a ni a, heng hmang hian ar chaw siam chhuah a, state dang atanga ar chaw lalut lova intodelh tumin hmalak mek a ni.

Tun hnaia Lunglei tlawhtu Zalen palai hnen ah he thu hi sawiin Agriculture thawktu te chuan HPC hmalakna in Dawn khuaa chhungkaw 32 te chu enchhinna atan vaimim chin tir an ni a, an tharchhuah hi HPC chuan lei lehin ar chaw siam nan an hmang a, nakum lamah chuan hmun tam zawkah chintir tum a ni tih an sawi.

Lunglei DAO Tlangtimawia Zote chuan, “Dawn khuaa Pawih kai zau ah chhung kaw 32 te vaimim kan chin tir a, an tharchhuah hi a nuai fai sa kg ah Rs. 25 leh nuai fai loh kg ah Rs. 23-in HPC hian a lei leh a. Kuminah hian a bul kan tan chauh a, a nuai fai sa hi qtls 13.39 leh nuai fai loh qtls 69.26 kan lei a. Kumthar ah chuan khaw dang telin vaimim hi tam lehzual chin kan tum a ni,” a ti.

DAO Tlangtimawia Zote chuan an vaimim lei chu khawl man tlawm tak hmangin ar chaw ah an her bakah hralh chhuah tumin hma an la mek tih a sawi a. “Kan ar chaw her hi a tharlam a nih avangin ar pawhin an ngeih a, Industry leh Vety department nen tang tlangin nasa taka hmalak kan tum a. Sticker (label) belin hmundangah hralh chhuah tumin hma kan la mek a ni,” a ti bawk.

HPC sum hmang hian vaimim qtls 80 chuang lei a niin Rs. 1,92,773 sen a ni a. Kumthar hian Zawlpui leh Lunglei chhehvelah te tam zawk chin tum a ni.

India leh Myanmar Border Fencing
India leh Myanmar ramri hung tum chungchang hi eng nge i ngaihdan?
Hung hi tha ka ti lo
Hung se ka ti
Ngaihdan ka nei lo

Latest News & Chhiar Hlawh