ZALEN September 10, 2024 : African Swine Fever (ASF) chuan Mizoram a la chhuahsan hlei thei lo a, tla hniam deuh Ni awm mah se, vawk thi leh suat a tlahniam leh thei lo a, Lunglei lamah a hluar chho mek. Vawiin khan Mizoram-ah vawk thi 111 an tling leh a, vawk 222 an suat bawk.

Hun rei tak ASF-in a a tihbuai tawh loh Lunglei leh Hnahthial district lamah pawh kar hmasa lam atang khan a hluar chho leh a, vawiinah hian Lunglei district-ah vawk 43 a thi a, vawk 91 an suat bawk. Hnahthial district-ah vawk thi 24 a awm a, vawk 16 an suat. Serchhip district-ah vawk 16 a thi a, 27 suat a ni.

Aizawl district-ah hian vawk thi leh suat tlakhniam chang nei mah se, hmasawnna a awm hlei thei lo a, vawiin khan vawk 10 a thi leh a, 34 suat a ni.

2024-ah January 10 atanga September 10 thleng hian ASF avangin vawk 12294 an thi tawh a, suat zat hi tam zawkin 21138 a tling a, ASF avanga vawk thi leh tihhlum zawng zawng hi 33432 hi a tling tawh. Khua leh veng 233 a tuam tawh a ni.