Lunglei mipuite kan ngaihthah dawn lo - MNF President
![](/storage/news/post/Gz4hYr3NoAt8tKdK1G4sKsHJPGJP6rG7XUes12YL.jpg)
Aizawl April 10, 2023 : Vawiin khan Mizo Hnam Run inkhawmah MNF President leh Chief Minister Zoramthanga chuan Aizawl East-I bial atangin voter 213 a lawmlutin thu a sawi a. Lunglei Municipal Council inthlan chungchangah, "Lunglei mipuite duhthlanna kan hria a, kan ngaihthah lo ang," a ti.
Zoramthanga chuan Lunglei Municipal Council inthlan chungchang leh MNF tlak fai vek avanga rilru a hrehawm thu sawiin, "Lunglei-ah Sawrkarin kan tihtur kan tih loh te, tih loh tur kan tihte avangin pawi kan ti a, an hriatthiamna kan dil a ni. MNF chu pa chan chang kan ni a, kan faten lungawi lohna an lantir hi, a elsen zawngin kan kal ngai lo. Min kaiharhtuah hmangin, a aia tha zawkin hma kan la zawk thin. Serchhip bialah pawh bial dangte thik khawpin kan duhsak hlauh thung a ni," a ti.
Zoramthanga chuan, "LMC inthlana kan tlakna leh party mite vuinaah insiamthat kan tum. Lunglei-ah Covid leh RTPCR (a hmaa kan la hriat ngai loh) issue leh Lunglei bypass road atan Congress sawrkar khan cheng vbc 10 vel an dah kha by-pass siam turin cheng vbc za tel a ngai si. Khawpui kawng siam nan kan hmang ta zawk a ni," a ti.
MNF President chuan,"Lungleia kan tlakna hi inensan a hnekin kan ngaihsak sauh dawn. Theihtawpa Serchhip kan en zui angin, Lunglei-ah pawh kan ti zawk dawn. 'MNF nge nge hnam thinlung putu' an tih theih nan," a ti a. "He kan tlakchhiatna hi min kaiharhtu a ni ang. Serchhip-ah kan experience tawh a. Tuirial by election-ah a rahchhuah kan hmu tawh a ni. MNF chu hnam neitu kan ni a, theitawpin hma ka la zel ang."
“Naktuk - naktip atangin ral relin hma kan la nghal dawn,” a ti a. "Pathianin kum 60 chuang MNF min kaihhruai tawhnaah kan lo muthlu a nih pawhin tunah hian min kai tho a, hma lam panin kan hlawhtling ang,” a ti.
MNF President Zoramthanga chuan: "Kan ram hi Pathianin ram thuthlung hmanga a kaihhruai a ni a. Pu Laldenga kha lehkha thiam vang leh talent ropui a neih avanga thlan a ni lo. A thuthlung keng turin Pu Laldenga leh MNF hi a thlang mai a ni. Kan that bik vang a ni lo. Mizote hi Chanchintha thehdarh tur leh hnam thuthlung humhalh tlat turin min duh a. Pathian leh kan ram tan tih hi kan kalsan tur a ni lo," tiin party mipuite a chah a ni.
Chief Minister chuan finance chungchangah sum harsatna a sawi bawk a. India sawrkar atangin tun dinhmun thlengin Rs vbc 3,000 vel an hmuh tur an hmuh loh thu sawiin hei hi hmuh anih chuan harsatna tam tak hi an sukiang ang, tiin, sawrkar term thara insiamthat hman a beisei thu a sawi bawk.
Nationalist sawrkar danglamna sawiin Zoramthanga chuan, “Burma raltlan lo lutte chu India sawrkarin um let vek turin rawn ti mah se, keini chuan, ‘Kan unaute an ni a, kan hum tlat dawn,’ tiin prime minister hnenah pawh raltlante enkawlna thawh turin (a hnuah a rawn thawh ve nghe nghe) kan ti ngam. Hetiang hian tu state mahin an ti ve ngam lo,” a ti.
Latest News & Chhiar Hlawh
-
1m | Sep 07, 2024
-
2m | Sep 07, 2024
-
1m | Sep 07, 2024
-
1m | Sep 07, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
3m | Sep 06, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
1m | Sep 06, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 05, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 04, 2024