ZALEN September 02, 2026 : Ramdinpuii thattua puh Denghmingthanga chu YMA Branch 13 te leh police ten an zawng mek.

ZALEN thudawn danin vawiin tlai lam khan Denga hi Vanhne ram chhunga thlam pakhatah hmu an awm tih thu dawn a ni a, hemi bahzui hian Police leh YMA member thahnem takin helai chheh vel hi an tuam nghal a, chanchin ziah lai thleng hian man ala nilo.

YMA Sub Hqrs Lunglei hmalakna in vawiin khan Denghmingthanga zawn hna hi YMA Branch 13 - Pukpui, Zotlang, Serkawn, College Veng, Venghlun, Rahsiveng, Sazaikawn, Vanhne, Thuampui, Lungdai ‘S’, Serte, Sertlangpui leh Mausen ten thawkin Hmawngva leh Tlawng Lui chheh vel ngawrh takin an dap a ni.

Tarlan tawh angin Thawhtanni zanlai khan Lunglei police station atangin Mualthuam North tleirawl H. Lalramdinpuii thattua puh Denghmingthanga chu a tlanchhuak a ni.