ZALEN June 16, 2026: Lunglei District Superintendent of Police (SP) J. Lalmuankima hma laknaa Traffic Police te'n Lunglei khawpui chhunga two wheeler silencer/exhaust (meikhu chhuahna) 80 decibel pel leh ri ring tura siam danglam an man khawm chu vawiin khan dan angin Chief Judicial Magistrate, Lunglei District, Lunglei hriatpuina-in Lunglei Pukpui Tawngtaina hmunah tih chhiat a ni.

Tlabung Sub-Divisional Police Officer (SDPO) Alex Hmingthanmawia kaihhruaina hnuaiah silencer man khawm sa te hi tihchhiat a ni a. Tun thleng hian Lunglei Traffic Police te'n two wheeler silencer/exhaust ri bengchheng an man khawm hi tum li tihchhiat a ni tawh.

Lunglei SP J. Lalmuankima chuan thalai thenkhatin an two wheeler-ah danin a phal baka silencer/exhaust ri bengchheng an hman ṭhin avangin zan reiah mipui an ti muhil thei lo va, mihring hriselna thlengin a nghawng theih thu a sawi a. Traffic Police te'n chak zawka hma an lak chhunzawm zel tur thu a sawi.

Tun tuma two wheeler silencer/exhaust tihchhiatte hi a vaiin Kg 45-a rit a ni a. Kg 1-ah ₹10 hisapin thirchhia anga hralh niin, a hralhna atang hian ₹450 hmuh chhuah a ni a. A hralhna sum hi sawrkar revenue-ah chhun luh tur a ni.