ZALEN Nov. 27. 2024; Mizo Zirlai Pawl (MZP) Headquarters, Lunglei chuan Lunglei SP J Lalmuankima transfer order, November 26, 2024-a tihchhuah chu tidanglam turin Mizoram sawrkar an ngen.

Lunglei MZP hian vawiin 27.11.2024 chawhma khan Extended OB Meeting an nei a, press release an siam nghal. Lungleia District Administration leh Law Enforcement hotu lute thlak zung zung an ni chu pawi an tih thu an tarlang a, Lunglei mipuite duh dan anga transfer and posting tidanglam leh turin thuneitute an ngen a ni.

Lunglei MZP chuan, Lunglei DC thar leh SP atana ruatte'n an first posting-ah nupaa awm dun kher an tum avanga mi dangin an tawrh phah chu pawi an tih thu leh hriatthiam har an tih thu an tarlang bawk.