Aizawl; Zirtawpni khan Lunglei ah 'Nau chunga thihna' (Infant Mortality Rate) chungchang inzirtirna neih a ni. He meeting Lunglei Civil Hospital a Doctors' Conference Hall a neih hi Dr. VLMS Dawngliana, CMO Lunglei chuan a kaihruai a, he huna thu sawitu Principal Director Health Dr. K. Ropari chuan ram changkang leh changkang lo tehna pawimawh tak pakhat chu naupang kumkhat hnuai lam thi leh Nu nau chunga thi an tam leh tlem ani tih a sawi a. India rama District hrang hrang 184, naupang kumkhat hnuai lam thi tamna District zingah Lunglei District pawh a tel tih sawiin Nausen kum khat hnuai lam thi tih tlemna tur leh nau chunga nu thi (Raicheh) tih tlemna turin NRHM leh NHM hnuaiah kawng hrang hrangin hmalak a nih thu a sawi bawk. Dr. Ropari chuan naupang kum khat hnuai lam leh raicheha thi chu thingtlang lam chuah ni lo khawpui daifem, damdawi In lian zawk pan harsatna hmunah pawh a thlen thin avangin, Lunglei District tan pawh Urban Health Centre thar Sazaikawn hmunah dah tum mek a ni tih a sawi bawk.