ZALEN August 3, 2026: Lunglei Police chuan vawiin khan Heroin No 4. cheng nuai sangli man chuang hu an hal ral a, July thla chhunga phone bo an hmuh let 18 te chu a neitute kutah an hlan let bawk.

Lunglei Police hian vawiin khan AP Tlang-a Incinerator Centre-ah Lunglei District Disposal Committee (DCC) chuan ruihhlo (heroin no. 4) gram 164.34, cheng nuai sawmthum pahnih sing khat leh sang li (₹32,14,000/-) man hu an hal ral. Ruihhlo hal ralnaah hian DCC member – Superintendent of Police, Sub-Divisional Officer (Sadar), Excise & Narcotics Assistant Commissioner leh Lunglei Sub-Divisional Police Officer te leh an ai awhte an tel a. Ruihhlo hal ral tak hi Lunglei Police Station Case hnuaia case ziah luh niin, Lunglei Judicial Magistrate First Class-I-in pre-trial disposal phalna a pek anga hal ral a ni.

July 2026 chhunga Lunglei District Police te'n phone bo report 30 an dawn zinga phone bo 18 an hmu let tawh a. He'ng phone bo hmuh lette hi a neitute hnenah pek let a ni tawh.