Social Welfare Minister  leh Lunglei North Assembly Constituency bialtu MLA ni bawk P.C.Lalthanliana chuan nimin khan Higher Secondary School, Zotlang sakna tur lungphum a phum. P.C.Lalthanliana chuan Zotlang mipuite mamawh tak School building sak a ni tur chu lawmawm a tih thu leh khawtlang tana tangkai tak a nih a beisei thu a sawi. He school building hi school kal nan mai bak ah khawtlang in programme an neih pawh a hman tangkai theih tur a nih thu a sawi bawk. School building sak nan hian Lunglei High Power Committee atangin cheng nuai 10 hmuh a ni a, a sak hna hi school board-in an enkawl dawn a ni.