DOWNLOAD OUR APP

Read latest news on your phone
app-store
Luton captain tluk vanga khelh tluan loh a bul atangin khel tha dawn
Dec 21, 2023

A captain, Tom Lockyer-a khelmuala a tluk avanga Luton Town-in Premier League-a Bournemouth an tlawh tuma inkhel tihtawp tak chu a bul atangin an khel tha leh dawn.


Inrinni inkhelah khan Lockyer-a hi cardiac arrest avangin khelmualah a tlu a, bawihsawm nghal a ni a, zawn chhuah a nih hnuah inkhel pawh tihtawp zui a ni.


Tihtawp a nih lai hian 1-1 ni mekin minute 59 an khel tawh.


Premier League chuan season kal lai remchangah a bul atangin khelh that a ni leh dawn tih thu an chhuah.


Lockyer-a hi damdawi in panpui nghal niin test leh scan tul angte tih zui nghal a ni.


“Minute 59-a inkhel tihtawp kha official, player, club pahnih manager leh Premier League ten a huhova an kalpui a ni a. League chuan buaipuitu damdawi lam mite chungah lawm thu a sawi duh a, beisei lawk loh thil thleng tha taka lo hmachhawna dawngtu zawng zawng chungah pawh a lawm a ni,” tiin Premier League chuan thu a chhuah.


“Tom-a pawh tha taka dam chhuak leh turin a duhsak a; amah, a chhungte leh Luton Town FC mi leh sa zawng zawng pawh kan hre reng a ni,” an ti.


Luton hian Pathianni khan Lockyer-a hi damdawi ina a la awm thu an sawi a; mahse, a dinhmun zel erawh kimchang in an puang lo thung.

Euro 2024 final opinion poll
Euro 2024-ah hian tunge champion I rin?
Spain
England

Latest News & Chhiar Hlawh