American rock band Lynyrd Skynyrd-a an guitarist Gary Rossington chu kum 71 mi niin a thi. Gary Rossington hi an band dintu zinga dam awm chhun a ni reng a, mahse Pathianni chawhnu khan chatuan ram a pan ve leh ta a ni. 

Gary Rossington thih thu hi an band official Facebook page-ah tarlan a ni a, rimawi khawvel a deng chhuak nghal. "Gary chu Skynyrd-a a unau leh chhungkuate nen vanramah an intawk leh ta" tiin thuchhuah an siam a ni. 

Gary Rossington thih chhan hi tarlan a ni lo a, lung lam harsatna erawh a nei thin. Kum 2021 khan emergency-in a lung hi zai a lo ni tawh a, 'Big Wheels Keep on Turnin’ Tour an neih lai a ni nghe nghe. Lynyrd Skynyrd te hian 'The Sharp Dressed Simple Man' tour nei turin ruahmanna an siam a,  a hun a thlen hmain Gary Rossington chuan a peih loh san ta a ni. 

Rossington hi kum 1977-a thlawhtheihna chesualah khan a dam chhuak a, a bandmate - Ronnie Van Zant leh Steve Gaines bakah backup singer Cassie Gaines te chuan nunna an chan a ni.