ZALEN Jan 24, 2025; Vanlallawmzuala Varte (Lza Varte)-in 'Righ to Clean Air' tih thupuia neia India ram state tin tlawh chhuahna atana a hman thirsakawr Mizoram State Museum a dah turin lak fel tawh a ni.

ZALEN thudawn danin, Lza Varte-in India ram tlawh chhuahna atana a hman thirsakawr hi vawiin (23.1.25) hian Mizoram State Museum thawktuten Museum a dah turin an la fel a, naktuk-ah official a inhlanna programme hman a ni ang.

Tarlan tawh thin angin, Vanlallawmzuala Varte hian thirsakawr hmangin January 25, 2024 khan Aizawl a chhuahsan a, state tin (28) leh union territory panga tlawhin, thirsakawrin km. 17,028.10 a tlan. A thang chhung hi ni 286 a ni a, thirsakawra a tlan ni bik chu ni 204 a ni.