ZALEN August 14, 2026 : Mara Autonomous District Council (MADC) chuan Mizoram sawrkar atanga kum 2 dawn lai RE sum an dawn tawh loh avangin lungawilona lantirnan Dt.15.8.2025 India Independence Day chu a hranpa a hman an tum thu an thuchhuah ah an tarlang.

MADC-a BJP kaihruai sawrkarna kal mek ah hian MADC Staff ten May thla chanve atangin tun thleng hian Staff hlawh an pe thei lo a, staff hlawh an pek theih loh chhan ah hian State sawrkar an puh a ni.

Hetilai hian Mara District Congress Commitee Hqrs, Siaha te chuan MADC BJP sawrkar-in MADC BJP sawrkar sum enkawl thiamloh vanga Mara ram mipui ten harsatna an tawh mek laia, a hranpa ngata India Independence Day hman a ngai tak chu pawi an tih thu leh vanduathlak an tih thu sawiin, tel an tum loh thu an tarlang.

MADC te staff hlawh an pek thei loh lai mek hian Dt.13.8.2026 khan Mizoram Finance Department chuan MADC GIA Fund 2nd quarter (July-September) chu a release sak thung a ni.