Hnehsawh leh thiam taka 'Haleluiah Chorus' a sak avanga hming dai tawh lo tur Mafaki chuan music video a siam thar a, karleh lamah tihchhuah hman beisei a ni. Music video-a a hla hi Baptist Church of Mizoram (BCM) thurin a ni dawn a, ngaihthlak a manhla leh viau dawn e.

A hla thluk siamtu hi Rev. B Zirsangliana a ni a, music video hi a pui viau dawn nghe nghe. Opera style te pawh kan hmu dawn a nih hmel a, ngaihtlak a man hla tluk zetin mit pawh a tlai dawn e. Shooting hi an bei hautak hle a, a hmun hma leh lighting lam pawh an uluk a - a hla nen pawh a inhmeh viau dawn. 

Mafaki hian hun eng emaw chen chu music video a tichhuak tawh lo a, a tawpah tih tawk a awm tih ang deuhin - music video pui tham tak a rawn chhawp chhuak hnawk dawn e. Hei hi kumina a music video pakhatna tur a ni a, a tihchhuah hun tur tak hi la sawi thei lo mah se karleh lam hi chuan a tichhuak hman a rinawm.