Aizawl: Nimin Magnetic Mizoram Investors Summit 2018 Berawtlanga neih a Mizoram sawrkar leh private company pahnih chuan cheng vbc. 2100 hu thawhdunna thuthlung an ziak a, chief minister Lal Thanhawla’n Mizoram aiawhin a hming a ziak ni. Cheng vbc. 600 hu MoU hi Sungevity Enterprise nen an ziak a, anni hi solar energy lama Mizorama hma la tur an ni. Hei bakah hian cheng vbc. 1500 hu MoU chu Hospitality Doctor nen an ziak a, anni hi Hospitality (hotel etc) lama Mizorama bul tan tur an ni. Heng company leh sawrkar aiawhte hi hnathawh dan ngaihtuahin an thu nghal. Magnetic Mizoram Investors Summit 2018 kharna inkhawmah hian chief minister Lal Thanhawla chuan Company pahnih nena thawh dunna ziah chu summit hlawhtlinna tiin  Investors summit hlawhtling tak neih leh a beisei thu a sawi.