English club tan hlawh leh tun hnaia tal buai Manchester United captain Harry Maguire leh an star player Cristiano Ronaldo te inkarah captain nih inchuhna awm anga sawi chu engmah buaina leh harsatna a thleng lo niin Manchester United interim boss Ralf Rangnick chuan a sawi. 

Tun hnaiah United player pahnih hi club chhung thuneihna inchuh kawngah buaina awm anga sawi awm chu chutiang engmah a awm loh thu a sawi bawk.
 

Rangnick chuan, "Hemi chungchanga an thu ziah hi thu dik lo a ni tih ka hriat vangin keimahah danglamna engmah a thlen lo," a ti. German pa hian, "Captain chung chang hi ka player te ka sawipui ngai loh vangin thu puar-paw leng mai mai a ni. Harry hi kan captain a ni a, a ni zel bawk ang," a ti. 

An boss hliu Ole Gunnar Solskjaer khan kum hnih hmalam khan Maguire hi captain turin a ruat a, chu a captain nihna leh thu neihna chu, club lamah kum 37 mi Ronaldo  a rawn let leh hnu hian a nghet lo ta sawt nia ngaih a ni. 

A chungchang social media lama mi sawi chu a dik loh thu a chhangin, England defender Harry Maguire chuan amah leh a team-mate te thawhhona chu a thain Leeds United nen zanina an inhmachhawnna tur bak thil dang Manchester United player te chuan an ngaihtuah rih loh thu a sawi.