Aizawl August 30, 2022 : Mana Motors chuan an showroom, Bawngkawn-ah vawiin khan an lirthei thar, engine m 2Di nei, 2523 cc, 4 Cylinder hmang, Mahindra Maxx chu pawn lam mi sawm lovin an huangchhungah an tlangzarh. 

Dealer Principal Dr Franklin Lalrinngheta chuan an lirthei tlang zarh thar chungchang a sawinaah, Mahindra chu Pickup-ah India rama hriat hlawh tawh an nih angin an hmingthatna chhawm nung thei turin Mahindra Maxx chungah beiseina an nei sang tih a sawi a, engine tha m 2Di, 2523 cc, 4 Cylinder a hman avangin chak thawkhat viau tura ngaih a ni, a ti.

Dr Franklin-a chuan, "Kan motor hralh tam ber chu pickup a ni a, pickup changkang zawk leh chuan nuam deuh zawk duhthlan tur company in an rawn siam chhuak hi a lawmawm hle a ni," a ti.

Mahindra Maxx chu Tlang ram mila duan a nih mai bakah pickup dangte aia changkang leh chuan nuam zawk tura siam, diesel heh lo turin litre khatin km 17.2 a tlan thei a, a khalhtu leh a phurh mi pahnih tan thawl nuam taka thut theih a ni, a ti bawk

He lirthei hi cheng nuai 7.6 atangin a intan a ni.