Mahindra Pikup 4x4 LPS Pro Muaythai 2022 semifinal zan hmasa zawk chu nizan khan khelh zawh a ni a, bot 5 awmin Joseph Vanlalhruaia, Lalruatkima, George Lalmuanawma, Isaac Lalchhuanmawia leh Lalthasanga Lelhchhun ten an tumpuite hnehin final an lut. 

RESULT - SEMIFINAL

FLYWEIGHT

Joseph Vanlalhruaia (Hunthar) bt R Lalbiaktluanga (Zemabawk)
= Knockout (Round 2, 19 sec)

"Ka inbuatsaih tha a, thiamna sang zawng tharum engkimah ka tha zawk a, chuvang chuan mipui tan hmuhnawm taka khelh ka tum a. Ka champion ngei ang tih ka intiam nghal bawk e," tia lo sawi lawktu Joseph Vanlalhruaia'n round 2 naah a knockout a ni. 

Joseph Vanlalhruaia  : kum 22, weight - kg 48, height - 5'4½", reach - 5'7"
(2019 Asian silver medalist, 2019 national bset fighter)

R Lalbiaktluanga : kum 25, weight - kg 47.8, height - 5'3", reach - 5'3"
(National gold medal 2, national best fighter ni tawh)

BANTAMWEIGHT

Lalruatkima (Falkland) bt Eric Biakthianghlima (Thuampui)
= Knockout (Round 1, 1:11 min)

Round khatnaa knockout-tu Lalruatkima hian,"Ka chak ngei ang; a chhan chu ka inbuatsaihna a tha a, ka inringtawk a, ka chak ang," tiin an insual hmaain a lo sawi lawk tawh a ni.

Lalruatkima, kum 23, weight - kg 54, height - 5'4", reach - 5'6"
(National gold medal 4, Mizoram gold medal 5)

Eric Biakthianghlima : kum 15, weight - kg 53, height - 5'3", reach - 5'4"
(Junior national gold medal 4)

LIGHTWEIGHT

George Lalmuanawma (Chawnpui) bt Nazareth Lalthazuala (Zemabawk)
= Split Decision (29-28, 28-29, 29-28)

"Chak leh chak loh chu Pathian chauhin a hria; cage chhungah kan hria ang," tia inring tawk taka lo sawi lawktu Lalmuanawma chuan split decision hmangin a hneh hram. 

George Lalmuanawma, kum 25, weight - kg 61.3, height - 5'6", reach - 5'6"
(National gold medal 1, national champion of champions ni tawh)

Nazareth Lalthazuala, kum 20, weight - kg 56.4, height - 5'5", reach - 5'7"
(National kickboxing champion of champions ni lai) 

WELTERWEIGHT

Isaac Lalchhuanmawia (Chanmari) bt Malsawmtluanga (Dinthar)
= Technical Knockout (Round 1, 1:57 min)

"Ka inpuahchah nasa a, tun tumah hian min beih dan azirin ka lo insiamrem tawh mai dawn a ni."
tiin Isaac hian mahni inringtawk takin a lo sawi lawk a, cage chhungah technical knockout hmangin a chak. 

Isaac Lalchhuanmawia, kum 19, weight - kg 70.4, height - 5'9½", reach - 6'1"
(Muaythai inelnaa tel vawi khatna, Mizoram kickboxing-ah gold medal 1 la tawh)

Malsawmtluanga, kum 24, weight - kg 69.1, height - 5'10", reach - 6'
(Muaythai inelnaa a vawikhat telna)

SUPER MIDDLEWEIGHT OPEN

Lalthasanga Lelhchhun (Tanhril Vengthar) bt Roluahpuia (Zemabawk)
= Technical Knockout (Round 1, 1:58 min)

"Ka inbuatsaihna a tha tawk a, a 'dream' hi chu eng mah lo maiah ka chantir dawn a. Round khatna a nih loh pawhin round hnihnaah a inhnukdawk lo a nih chuan ka knockout ang," tiin a khingpui pa 'dream' maia chantir tumtu Lalthasanga chuan a 'dream' ti hlawhtlingin Technical knockout hmangin a chak. 

Lalthasanga, kum 26, weight - kg 91, height - 5'7", reach - 5'10"
(Senior national gold medal 10 la tawh, 2021 World Championship-ah round of 16 lut)

Roluahpuia, kum 23, weight - kg 76.9, height - 5'10", reach - 5'10"
(Muaythai inelnaa a vawikhat telna)

D3 Haier Fighter of the Night
- Joseph Vanlalhruaia (Hunthar)

ZANIN SECOND SEMIFINAL FIXTURE 

Zan 13-na October 26, 2022 (Nilaini) : 8:00 PM - Bout 5

FLYWEIGHT

Lalngaihawma (Hunthar) v Benjamin Zonunsanga (Luangmual)

Lalngaihawma, kum 19, weight - kg 48, height - 5'4½", reach - 5'7"
(National gold medal 3 la tawh, 2019 Mizoram best fighter)

"A hmuhnawm khawp ang tih ka sawi duh a, round thum kan khel tluan lo a nih pawhin thil mak a ni lo ang."

Benjamin Zonunsanga, kum 25, weight - kg 48, height - 5'3", reach - 5'3½"
(National gold medal 6 la tawh, India aiawh turin vawi 2 thlan a ni tawh)

"Ka inbuatsaih tha viau a, ka tumpui tur Ngaihawma hi final luhna tura inpuahchah nan a tha dawn riauin ka hria. Amah hi a khelhpui rei ve theih dawnin ka hria a, coach-ten eng round-ah nge knockout se min tih ang tih chu ka hre lo." 

BANTAMWEIGHT

Ramdinthara (Pangzawl) v Isak Lalruatfela (Bethlehem Vengthlang)
(Muaythai inelnaa vawikhat telna, national kickboxing gold medal pakhat la tawhin best fighter ni tawh)

Ramdinthara, kum 21, weight - kg 53.9, height - 5'3", reach - 5'4"

"Ka khelh dan min hmuh tawh angin kei chu 'fighter tawp' ka ni a. Khelh dan vak hman ka tum lo fight tawp a ni mai." 

Isak Lalruatfela, kum 25, weight - kg 53.8, height - 5'5", reach - 5'5½"
(2014 World Championship-ah bronze medal la, national gold medal 4 la tawh)

"A duh ang ngeiin a nih nih kan ni thla rep rep mai ang. Anni ang hreh hret thei tur ang velin ka inbuatsaih."

LIGHTWEIGHT

Lalramsanga (Upper Sakawrdai) v Ngursaimawia (Luangmual)

Lalramsanga, kum 21, weight - kg 61.1, height - 5'5½", reach - 5'8"
(Muaythai khelhna la rei lo va, Mizoramah silver medal la tawh)

"Semifinal zanah hian a inbuatsaihna chu eng mah lo maiah ka chantir ang a; Sakawrdai tlangval hian Luangmual tlangval ka tlawm ngei ang.

Ngursaimawia, kum 27, weight - kg 62.2, height - 5'7", reach - 5'10½"
(National gold medal 10 la tawh; national pro muaythai kawnghren vawihnih hrem tawh)

"Inbuatsaihna ka nei tha a, chak lo mai mai turin inbuatsaihna ka nei lo va. Champion ngei turin inbuatsaihna ka nei a, ka champion ngei bawk ang."

WELTERWEIGHT

Zarmawia (Chite Veng) v Lalchhuanmawia (Republic Vengthlang)

Zarmawia, kum 24, weight - kg 71, height - 5'5½", reach - 5'10"
(Mizoramah gold medal 2 la tawh, MMA national gold medal 1 leh Indian Open-ah gold medal 1 la tawh)

"Tuna mi atan hian inbuatsaihna bik ka nei lo va, kei chu engtik lai pawha inpuahchah tha reng ka ni. Kan pahnih hian round kan khelh tluan ka ring lo."

Lalchhuanmawia, kum 32, weight - kg 71, height - 5'7", reach - 5'8½"
(Mizoramah gold medal 1 la tawh)

"Theihtawpin gym-ah ka inpuahchah a, amah hneh tur hian ka theihtawp chhuahin ka thiam zawng zawng ka hmang ang. Mipuiten lo hre tura ka duh chu final ai pawhin tuna kan fight hi a hmuhnawm ang. Ama duh danin kan in-knockout anga a ni mai."

SUPER MIDDLEWEIGHT OPEN

R Vanlalmuana (Republic) v David Lalremruata (Zemabawk North)

R Vanlalmuana, kum 28, weight - kg 74, height - 5'8", reach - 5'10"
(Mizoramah bronze medal 1 la tawh, MMA Mizoramah silver medal 1 la tawh)

"Hun tha a inhawng ngei dawn a, round thum khelh tluan kher ngai lovin ka ka chak ngei ang.

David Lalremruata, kum 21, weight - kg 74, height - 5'6½", reach - 5'10"
(Muaythai inelnaa a vawikhat telna, MMA Mizoram junior leh senior-ah gold medal 1 ve ve la tawh)

"Ka chak dawn a, ka chak chiang khawp ang; round khatnaah ka hnek tlu tawp ang. Ka fit viau a, ka hnek let tawp nghal ang."