Aizawl; Nimin zing dar 3 vel khan Michael Malsawmdawngliana (21) s/o Thanglianzauva Tuithiang veng chu a mutna piandan-ah Pistol .32 NPB in a inkaphlum. Michael Malsawmdawngliana hi a ka ah inkapin silaimu hi a tukkhumah a tlang niin thudawnna chuan a sawi a, a hmunah ka chhawn lohin a boral nghal a ni. Michael-a hian lehkha hnutchhiah a nei lova, a inkah chhan hi hriat a ni lo. Thudawn danin zan lamah a thiannu Delhi-a awm mek nen rei tak an inbia a, zing dar 3 vel thleng an inbiak hnuin Michaela hian 'thil atthlak tak ka ti dawn' tiin phone a dah ta a, a thiannu chuan vawi tam tam tak phone hmangin biak a tum a, a chhan mai loh avang in a mangang chuan Michaela farnu chu a phone ta a ni. Michaela farnu chuan zing dar 4:20 vela a room a han en chuan thiin a han hmu ta mai a ni. Michaela hi a taksa a lo dai vek tawh a, a inkah hun hi zing dar 3 leh 3:30 vel niin an ring.A ruang hi nimin dar 1 khan vui a ni.