DOWNLOAD OUR APP

Read latest news on your phone
app-store
Mahni muala Real Madrid ngamtu Manchester City
Apr 27, 2022

Pep Guardiola leh a ho ten nizan khan UEFA Champions League semi-final leg khatnaah Real Madrid 4-3 in an hneh hram. Inkhel hmuhnawm takah hian Premier League champion leh hmahruai mektu Manchester City chuan La Liga hmahruaitu Real Madrid aiin ball an chang tam zawk a, inkhelh thununtu City tan hian duhthusam result erawh a ni lo.  

Minute hnihna lekah City tan Kevin de Bruyne chuan goal hmahruai a thun a, tun hnaia chetha thei tak Gabriel Jesus chuan minute 11-na lekah City goal hnihna a thun leh. Si hnih phur Real lam an beidawng mai lo. Real striker rinrawl Karim Benzema chuan minute 33-naah goal a rawn thun ve leh. 

Second half-ah City tan minute 53-ah Phil Foden-a'n an goal thumna a rawn a thun ve leh a, mahse Real lamin Vinicius Junior hmangin minute hnih hnu lekah goal  an rawn thun ve leh zat. City lamin chak tih chian nan minute 74-naah Bernardo Silva hmangin an goal lina an rawn thun ve leh a, 4-3 in inkhelh an tluan tawh mai dawn emaw tih hnuah Real lamin Benzama hmangin goal khat an rawn thun ve leh a, hun a tawp meuh chuan goal sarih lai a lut hman der. 

He inkhelhah hian ball possession 60% lai changtu City hian tum 16 zet goal an shot chungin target-ah vawi 6 chiah an pet thei a, mikual Real lam hian tum 11 shot an neihah target zawnah tum 5 an pet thung. Real lam hian foul vawi 5 chauh an chawi laiin mual neitu City lam hian vawi 11 zet an chawi hman.    

Karleh hian Santiago Bernanbeu lamah an result tichiang turin second leg an khel leh dawn a, Real hian Santiago Bernanbeu lamah City hi lethal ngei an tum dawn a inkhel ropui leh hmuhnawm tak kan hmuh leh ngei hmel e. 

Line-ups
Man City XI: De Bruyne, Mahrez, Laporte, Stones, Ederson, Zinchenko, Ruben Dias, Bernardo, Jesus, Rodri, Foden
Subs: Carson, Fernandinho, Gundogan, Sterling, Ake, Grealish, Z. Steffen, C. Palmer, CJ Egan-Riley, Luke Mbete-Tabu, J. Mcatee, R. Lavia

Real Madrid XI: Modric, Benzema, Kroos, Alaba, Courtois, Carvajal, F Mendy, Valverde, Militao, Vinicius, Rodrygo
Subs: Bale, Marcelo, Casemiro, Isco, Nacho, Vazquez, Vallejo, Asensio, Ceballos, A. Lunin, E. Camavinga, Toni Fuidias

MSSSB thiah leh thiah loh
Mizoram Subordinate Services Selection Board thiah tum hi eng nge i ngaihdan?
Thiah tha ka ti
Thiah kher tul ka ti lo
Ka hrethiam lo

Latest News & Chhiar Hlawh