Indianapolis, United States-a park pakhata thingkunga zawhte tang chhanchhuah tum rawlthar pakhat chu amah a tan veleh si avangin chhanchhuah veleh chhawn a ngai.

Holiday Park-a thingkung pakhata zawhte tang hi rawlthar kum 17 mi hian hmuin chhan tumin a lawnchilh a. Feet 35 zeta sangah an pahnih hian an tang dun ta zawk niin Indianapolis Fire Department chuan a sawi.

Rawlthar hi Owen ti chauhvin a hming an puang a, battalion chief Rita Reid chuan thil tha tih tuma a chetna lamah a chesual palh niin a sawi.

“A lawn lamah chuan harsatna engmah a nei lo va; mahse, a awm dan (position)-in a zir loh tak em avangin a chhuk thei ta lo a ni,” a ti.

Park-ah hian fire department kovin rope system an tih hmangin darkar hnih hnuah an la thla thei a, Owen-a hian hliam engmah a nei lo va, a taksaa pilh nin nian erawh a awm.