Chile-a tun hnaia dinosour ruhro hmuh chhuah chuan scientist-ten ngun taka an zir chian hnuah tun hma lama an la hriat ngai loh pianhmang nei niin an sawi a, mei danglam tak neiin hei hi a invenna atana a hman thin niin an sawi.

Heng dinosaur ruhro an hmuhte atanga an pianhmang an zirnaah chuan an meiah hian anmahni beitute lo vih theihna ang chi thil zum hriam an nei a; thenkhat chuan tiang ang deuh, mi an vuahna ang an nei bawk.

Nature chanchinbua an zir chianna an ziahah an hotupa, Alex Vargas chuan eng rannungah mah hetiang pian hi an la hmuh ngai loh thu a sawi a. An meiah hian thil hriam (blade) pasarih neiin a sir hman laia Aztec pasaltha ten mi an zaina ang chi hmanraw pianhmang a nih thu a sawi.

University of Chile-a paleontologist Vargas chuan ralthuam danglam tak a nih thu a sawi a. “Naupangte en thin hman lai ramsate pianhmang pawh tihdanglam (update) a ngai dawn a, a mei hi a danglamin a maksak em em a ni,” a ti hial.