Hillion Fern, kum 75 mi chuan kum 13 mi a nih laia Easter egg chocolate-a siam a dawn chu chocoholic a nih chung tun thlengin a la ei lo a, he easter egg hi a tira tuamna ngai chiaha la intuamin century chanve kaltaa tofees leh chocolate te chhungah hian a la awm a ni. 

Wildlife trust worker hlui hian Inches 9 a sang chocolate egg dah that nan hian thla khatah $80 a chawi thin a ni, fa pahnih leh tuchhuan pali nei tawh Hilion hian he thil a dawn ni hi a la hriat reng thu a sawi. 

Hillion chuan, "Min pek ni kha ka la hre reng. A mawi lutuk kha ka ei phal lo a ni ber. Whitsun-ah ka ei ang ka ti phawt a, mahse, ka ei peih leh thin lo, Christmas thleng ka khek ang ka ti leh a, chumi hnuah Christmas hi tum engzah tak herchhuak tawh ang maw," a ti. 

Hillion pa Aubrey Daulman chuan he artui hi 1960 khan a fanu tan hian an khua a dawr pakhat Sharp atangin a lei sak a, mawi taka cheimawi a ni. 

He artui hi a tui mai loh nan thil dah thatna hmunah a dah that tir a, Hillion chuan, tul in ti lo mah thei mah se, dinhmun hima a awm kha a pawimawh a ni, a ti.

A dah thatna hi Warwickshire-ah a ni a, mahse, ka fanu hnaiha awm ka duh avangin Wales-ah ka pem a, chuti chung chuan a khat tawkin ka va tlawh thin a ni, a ti.