Colombia-a tuivawk (hippo) lian tak tak, drug lord thi ta, Pablo Escobar-a tate chu an chenna bul hnaia sazuk inthlahpung zel tur a tihbuai phak avangin inthlahpung ve thei tawh lo tura tih an ni dawn.

Hippopotamus 90 velte hi Escobar-a’n a vanglai, kum 30 chuang kal tawha a mi mal sahuana dah tura Colombia hmun hrang hrang atanga a lak khawm an ni a. An awmna bial chhunga ram ngaw leh hetiang lama thuneitu, Cornare coordinator David Echeverri chuan tunah chuan mi dang tan an hnawk tawh tih a sawi.

Hippo-te hian tui an tichhe nasa a, an hlauhawm bawk si avangin ramsa dang leh mihring an bei a, thlai pawh an tichhe nasa niin Biological Conservation chanchinbu chuan a tar lang.

Inthlahpung thei tawh lo tura zai hi a hautak hle dawn thung a. Anmahni hi Africa lama cheng chi an ni a, zai a hautakin a man pawh a sang hle dawn.

US Department of Agriculture-a Animal & Plant Health Inspection Service (APHIS) chuan GonaCon contraceptive dose 70 an pe dawn a ni.

Tuivawkte hi damdawia kah mut an ngai dawn a, hemi atan hian darting campaign an kalpui a, hei hi ‘an inthlahpung zel tur venna tur leh mi tam zawk an tihhluma khualrel an tihchhiat tam hmaa tih tur’ niin an sawi.